Псалтирь. Псалом 112
-
Хвалите, отроцы, Господа, хвалите имя Господне.
-
Буди имя Господне благословено отныне и до века.
-
От восток солнца до запад хвально имя Господне.
-
Высок над всеми языки Господь: над небесы слава его.
-
Кто яко Господь Бог наш? на высоких живый,
-
и на смиренныя призираяй на небеси и на земли:
-
воздвизаяй от земли нища, и от гноища возвышаяй убога:
-
посадити его с князи, с князи людий своих:
-
вселяя неплодовь в дом, матерь о чадех веселящуся.
