БИБЛИЯ

Сыном Кореовым, псалом песни.

Основания его на горах святых: любит Господь врата Сионя паче всех селений Иаковлих.

Преславная глаголашася о тебе, граде Божий.

Помяну Раав и Вавилона ведущым мя: и се, иноплеменницы и Тир и людие Ефиопстии, сии быша тамо.

Мати Сион речет: человек и человек родися в нем, и той основа и вышний.

Господь повесть в писании людий и князей, сих бывших в нем.

Яко веселящихся всех жилище в тебе.