Псалтирь. Псалом 92
-
Господь воцарися, в лепоту облечеся: облечеся Господь в силу и препоясася: ибо утверди вселенную, яже не подвижится.
-
Готов престол твой оттоле: от века ты еси.
-
Воздвигоша реки, Господи, воздвигоша реки гласы своя:
-
возмут реки сотрения своя, от гласов вод многих.
-
Дивны высоты морския: дивен в высоких Господь.
-
Свидения твоя уверишася зело. Дому твоему подобает святыня, Господи, в долготу дний.